Kch-ub050122-jw-drsim
Jessica jawing
(edited)
KUCHING: Gelumbang varian COVID-19 ti laun datai di Sarawak, dikaitka enggau autonomi imigresyen negeri tu, pia ku Dato Dri Dr Sim Kui Hian.
Sapit Kepala Menteri nya madah, polisi nya beguna amat kena Sarawak ngelaban COVID-19.
“Polisi ke sama tu mega tau dipeda ba menua bukai baka Australia, China enggau Singapura.
“Kitai benasit amat laban aki ini kitai menya bisi klausa tu taja pan kitai nadai kala nyangka nya deka dipejalaika enggau chara tu lebuh kitai numbuhka Malaysia.
“Nya (polisi autonomi imigresyen) udah mujur ngelubahka mayuh bengkah gelumbang COVID-19 datai di Sarawak lalu nya meri kita awak ke beguna amat kena nyikap diri, awakka enda nerima nasit ke sebaka enggau menua baka Amerika Syarikat sereta negeri bukai di Malaysia,” ku iya.
Iya ke mega Menteri Pengerai Mensia Mayuh, Pengawa Berumah enggau Kaunsil Kandang Menua, madah munyi nya dalam Facebook iya kemari.
Iya meri terima kasih ngagai rayat Sarawak sekalika di dalam tauka di luar negeri ketegal kerejasama sereta meretika nya kelebih agi pemar ketegal atur nagang COVID-19, baka kuarantin.
“Ulah kita nyelamatka mayuh nyawa rayat Sarawak, engka diri sebilik, bakih tauka ke sama enggau gawa ari pemati ketegal COVID-19,” ku iya.
Dr Sim mega mega ngelalau mensia mayuh anang ilap tang seruran be jejaga laban enggaika bisi penambah ba kes Omicron.
Ku iya, varian nya udah bisi dalam komuniti taja pan nadai kes ke balat baka varian Delta.
Nyadi varian ti pemadu balat ngelekai naka ke diatu, Omicron ku iya, udah mai mayuh kes lalu ngeruga perengkaguna pengerai nyengkaum servis ke beguna amat ba endur bukai.
“kami mega mesti beratika DelMicron (Delta be gulai enggau Omicron) ke udah bisi ba menua ti betapi enggau gelumbang COVID-19 diatu,” ku iya.