SRI AMAN: Balai Bomba enggau Penyelamat (BBP) Bagi Menua Sri Aman udah ngatur penemuai meri basa ngagai Pemesai Pelilih Menua Pantu Langgong Wasam ba opis iya di Pantu ditu, kemari.
Penemuai meri basa tu iya nya betuaika Pemesai Bomba Muhammad Rais Adham Rosalan ti mega Ketuai Zon 3 Sarawak begulai enggau Ketuai Balai Bomba Sri Aman Andrew Vengitasamy sereta Pemesai Bomba Kanan (PBK) I, Tony Morni.
Muhaammad Rais madahka, penemuai tu iya nya ari kaul lebuh ti betemu begulai enggau Sapit Menteri Dagang Temuai, Industri Kreatif enggau Seni Pemerindang Sarawak ti mega Kaban Kunsil Nengeri (ADUN) Balai Ringin Datuk Snowdan Lawan sebedau tu ti udah ngatur silik Program Bomba Komuniti di sitak DUN Balai Ringnin kelebih agi ungkup Pelilih Menua Pantu dlaam timpuh ti enda lama agi.
Rais mega nambah, raban Bomba Zon 3 tu meri besai terima kasih ngagai kerejasama ti udah diberika raban Opis Pelilih Menua enggau sebarang langkar pengawa ti deka diatur nengah chara program jemah ila.
Raban kami beterima kasih ngagai pengari rayat Balai Ringin, Datuk Snowdn Lawam sereta mega raban pengereja pengawa Opis Pelilih Menua Pantu ti udah meri kerejasama ke positif dalam bejalaika program tu ila, ku Rais nambah.