SIBU: Menteri Dagang Temuai, Seni enggau Main Asal Datuk Seri Tiong King Sing udah ngabang Gawai Dayak ngagai sekeda rumah panjai ba sitak Kunsil Nengeri (DUN) Dudong kena 1 Jun nyin tadi.
Entara rumah ti bisi dilawa iya nya Rumah Alice Nori Langot, Rumah Nyudang Jalin, Rumah Dayong Sahak, Rumah Dinnis Umpol Andrew Ungon, Rumah Madgeline Tugang, Rumah Raymond Bandang enggau Rumah Penghulu Peter John.
“Aku berasai andal ati enggau rami uih ngenataika diri ke rumah panjai sama enggau ngintu Hari Gawai dalam taun tu,” ku iya ti mega ADUN Dudong.
Nitih ku Tiong, hari Gawai tu mega sama diintu pupu raban bansa enggau etnik enggau chara ti richah sereta likun.
Berindik ari nya, iya meri besai terima kasih ngagai semua tuai rumah enggau peranak rumaph panjai ti udah ngangauka iya lalu ngenahka mayuh macham bansa pemakai ti chukup nyamai.
“Taja pia ti pemadu beguna, raban kami endang rindang ulih ngintu Hari Gwai tu begulai enggau kita semua, ku iya ti mega Kaban Parlimen Bintulu nya.