MUKAH: Peranak Rumah Panjang Jarit, Matu ditu ngarapka perintah negeri ngiga chara mutar sereta ngemuntangka proses peminta bantu bekal ai tetiap maya musim kemarau nyadi di menua nya.
Ku Tuai Rumah Jarit Mering, maya kemarau ninting taun ke nyadi dalam kandang bulan Jun nyentuk bulan Ogos, tetiap ruang bilik mesti ngisi pom peminta bantu bekal ai ambika dianjung ngagai Opis Pelilih Menua Matu.
Taja pia ku iya, bisi ba sekeda maya, peranak dia nganti nyentuk ke tiga minggu sebedau bantu baka ai mineral nya baru datai.
“Enti enda ngisi pom peminta (bantu),enda bulih (bekal ai). Enti ulih, opis pelilih menua patut tau enda nganti peminta ari kami laban kekadang peminta bantu nya laun diproses lalu kemarau endang nyadi ninting taun.
“Kala mega nyadi nadai ujan ari bulan Jun nyentuk bulan Oktober. Sekumbang musim kemarau endang nadai tiada ai ti ditimbun ari ari ai ujan. Kami mesti nentuka bisi hari ujan pengelama dua tauka tiga hari baru tetimbunka ai ti chukup,” ku iya lebuh ke dirandau ditu bedau lama udah.
Bisi 263 iku peranak di menua nya betapi enggau isu nadai bekal ai sereta kemarau ti balat ngenusahka sida ke bepanggai ba ai ujan ke ditimb un enggau ai sungai ke dikena ninting hari.
Jarit mega madahka bantu dua kutak ai mineral ke diberi ngagai tetiap iku, enda chukup dikena peranak dia kelebih agi ba raung b ilik ti ngembuan mayuh tubuh.
Siku indai orang, Wendymina Lapok, 32, madahka peranak dia bepanggai ba ai sungai dikena mandi enggau beb asu, lalu ai ujan ke ditimbun enggau air mineral ke irup enggau manduk pemakai.
Ku iya peranak dia mesti nepan perau lalu udah nya nepan van enti deka meli ai mineral ngagai pasar ke pemadu semak iya nya Pasar Dalat, sereta mayar tambang RM6 enggau RM10 ungkup pejalai pulai mansang
“Ai ujan diatu pan enda berapa manah ke irup laban tau ngasu h bala nembiak pedis perut, nya alai kami meli ai mineral ba pasar baka Pasar Dalat ti begunaka timpuh pejalai nepan perau enggau nepan van urung 15 ke 20 minit, baru datai din,” ku iya.
Rumah panjani dalam kandang menua Telok Deloh, Batang Igan, semina ulih dilawa nengah jalai ai, bisi 47 pintu lalu tebal agi penak rumah panjai nya gawa nyadi orang berikan enggau bum,ai bekebun.
Sebedau tu,Sapit Menteri ba Opis Premier Sarawak (Integriti Enggau Ombudsman) ke mega Kaban Kunsi l Negeri Jemoreng, Datuk Dr Juanda Jaya diripotka bisi madahka pengawa ngaga jalai darat ke sepenyauh 13 kilometer nengah Projek Rayat nyengkaum Jalai Kampung Kebuaw, Telok Deloh enggau Bungan Kecil dipelabaka tembu digaga dalam bulan September taun 2024. - BERNAMA