KUCHING: Tebal agi bansa Dayak di Sarawak udah sebulan dulu nyendiaka diri ngintu Hari Gawai taja pan rega barang majak mar diatu.
Claudia Chachab, 40 taun lebuh ke di randau madah, taja pan gaga ati ulih ngintu Gawai engau sida sebilik,kaban belayan enggau bala bakih pengudah pandemik COVID-19 ngeruga menua tu dua taun ke udah.
"Taja pan rega barang mar...tang kami diri menyadi besaup memeli barang ba penyampau ti diasaika cukup. Mayuh ti ngesuh nyintak seput kebednar iya laban rega barang niki. Urung dua ke udah, bisi suntuk ba stok tepung gandum," ku iya ke asal ari Serian madah ngagai Utusan Borneo kemari.
Pemakai beguna amat laban nya tau dipadahka nyadi adat bansa Dayak kena n genahka temuai ti datai ngabang ke rumah maya pengerami nya, ku iya.
"Suba enti suntung mirah, kitai ulih meli empat bungkus ambika bisi diidangka bala temuai, tang diatu refga sebeungkus diya nya entara RM23-RM25 siti..ujung iya enda meli. Sinu asai ati meda rega barang mar, enggai enda pan kitai enda meli barang ke ulih di beli kitai suba laban diatu kita anda agi ulih tebelika nya," ku iya.
Ba Yvonne Michelle Campbell, 43 taun madahka diri enda rindu bebelika barang ba maya ti udah sempil enggau ngintu pengerami.
"Baka ngelama tu, aku merambu utai ti deka dibeli lalu abis aku meli nya seminggu sebedau Gawai," ku iya.
Taja pia,rega barang kenyau ari nyingkang ngagai fasa endemik enggau Gawai udah niki sereta nating penguna kelebih agi ba orang ti kurang penatai pemisi.
Ku iya baru, suba rega mayuk iya nya entara RM8 sekilogram tang diatu udah ngelui RM10.
Ba Anthony Meluda, 39 taun, madahka ketegal kereja iya laun nyendiaka diri ngintu Gawai.
Iya madahka diri semina meli kek, biskut enggau snekkena nyamu bala temuai ke bisi datai ke rumah ila.
"Mayuh ti sebana madahka rega barang mar," ku iya.
Ba siku orang ke bedaja Claybert Ahad James, 23 taun ti nulung apai enggau indai iya bejual ba Bandar Riyal, Samarahan madah, utai ti madah beserimbai enggau Hari Gawai... iya nya nyendiaka tiga guni buluh ngagai orang ke datai bebeli.
"Pemakai dipansuh endang dikerinduka raban bansa Dayak di Sarawak nya alai stok tiga guni sehari disediaka seminggu sebedau Hari Gawai," ku iya.
Maya hari bukai, semina seguni aja dijual pada tiap hari Lima, Enam enggau Hari Minggu.