KUCHING: Gerempung Bansa Dayak Sarawak (SDNU) ngemunka projek ngaga bup sejarah gerempung, pia ku kaban komiti eksekutif tetinggi SDNU, Margaret Bedus.
Margaret ke mega chairman kimiti mit bup Sejarah SDNU madah, bup nya deka ngembuan penerang bekaul enggau pengawa numbuka gerempung nya dalam taun 1956 enggau penengkebang begulai ti nyeritaka pejalai gerempung nya, pampang indu enggau nembiak.
Iya maya aum media pengudah pengawa nyuaka chek di DUN ensanus madah, ngaga bup nya deka nyadi pemar besai ngagai orang ke mansik kelebih agi bekaul enggau ngumpul pemadah pasal penengkebang begulai nya, laban semua sida nya udah nadai magang.
Kelimpah ari, pengawa ngumpul pemadah pasal data sejarah gerempung nya mega deka meri pemar ngagai orang ke mansik, ku iya.
"Kami deka berengkah ngaga pansik dalam bulan Julai dlalu ngarap ulih nembuka projek nya dalam kandang setaun tauka nyerumba bulan Julai taun baru," ku iya.
ADUN Tamin Christopher Gira Sambang ke mega mandal presiden SDNU,nyuaka belanja Projek Mit Pemansang Menua Pesisir (MRP) iya sepenyampau RM33,000 ngagai komiti mit Bup Sejarah SDNU kena ngemunka projek nya.
Pengawa nyuaka chek nya diatur ba lobi kompleks DUN seraya dikemataka Presiden SDNU Tan Sri William Mawan Ikom ke mega ADUN Pakan, Mandal Presiden SDNU Dato Alice Jawan enggau Churchill Edward Drem ti sama ngarika Pampang Indu enggau Pampang Nembiak SDNU.