Anda di sini

Opis Menteri Kaunsil kandang Menua udah ngeluarka 141 jaku tangkan, betulis enggau ngetan

KUCHING: Opis Menteri Kaunsil Kandang Menua enggau Pengawa Berumah udah ngeluarka 141 jaku tangkan, betulis enggau ngetan dalam lapan (8) opis kaunsil kandang menua ba nengeri tu.

Pekara nya dipadahka Sekretariat Komiti mutarka Penusah Ngenyit Nengeri Sarawak (JPBN) nengah penerang berita ditu, kemari.

Nambah nya bisi dua notis kompaun dikeluarka PDRM ba dua pelilih menua ketegal enda nitihka SOP.

“Opis Menteri Kaunsil kandang Menua udah ngeluarka 141 jaku tangkan, betulis enggau ngetan  ba kandang endur ke dijaga Majlis Perbandaran Sibu (SMC) bisi 45, Lembaga Kemajuan Bintulu-BDA  39), Majlis Daerah Marudi (34), Dewan Bandaraya Kuching Utara -DBKU (12), Majlis Daerah Serian (5), Majlis Perbandaran Kota Samarahan -MPKS (3), majlis Bandaraya -MB Miri (2) enggau Majlis Daerah Sarikei (1).

“Sida PDRM udah ngeluarka dua notis kompaun iya nya di Bau (1) enggau  Sarikei (1) laban ti enda nitihka Garis Lalau (SOP),” ku JPBN, kemari.

Nambahka nya, PDRM deka terus neritka SOP nyengkaum ngena sengkabung idung enggau mulut ba palan mensia mayuh.

“Sehari tu  bisi 1,608 premis udah dipatau iya nya Pasaraya (168), Restoran (289), Kilang (22), Bank (103), Pejabat Kerajaan (58), Penjaja (41), Pasar Tani/Awam (62), Tempat Ibadah (159), Tempat Riadah (40), Tapak Pembinaan (19) enggau ke bukai (647),” ku JPBN, kemari.

Bisi 556 raban pengemata ngasika PKPP ti nyengkaum PDRM (280), ATM (41), RELA (122), APM (78), PBT (32)enggau ejensi ke bukai (3).

Kelimpah ari nya bisi enam pengawa ngempang jalai alun diatur ba lima buah pelilih menua nyerumba Op Benteng iya nya di di Lundu (2), Bau (1), Serian (1), Sri Aman (1) enggau Lubok Antu (1).

“Ari enam pengawa ngempang jalai alun nya bisi 824 buah perengka pengangkut udah diperesa,” ku JPBN.

Advertisement