KUCHING: Perintah Sarawak udah ngemendarka belanja dikena 24 buah lori tangki ai ke guna Opis Bekal Ai Menua Pesisir (JBALB) kelebih agi maya musim pengerami enggau ari panas.
Pengawa meli 24 buah lori tangki ai tu mandangka penyiru ati enggau sukung ti meruan Kepala Menteri Datuk Patinggi Abang Johari Tun Openg ngagai JBALB meri servis ke pemadu manah ngagai ungkup rayat Sarawak.
Pengerami nyerahka lori tangki ai udah dipenyadi Menteri Utiliti, Dato Sri Stephen Rundi Utom,kena Hari Tiga tu tadi ba laman Indu Opis JBALB Sarawak.
Sama bisi ngulu pengerami nya, Menteri Muda Bekal Ai, Datuk Liwan Lagang, Sekretari Mendam Opis Menteri Utiliti, Dato Ir. Alice Jawan enggau Direktor JBALB Sarawak, Ir Chang Kuet Shien.
Opis nya nengah siti penerang meri terima kasih ngagai Opis Kereja Raya (JKR) Sarawak laban udah meri sukung ti manah ngagai JBALB Sarawak ti nentuka lori tangki ai diterima ba bulan April enggau Mei tu.
Kementerian menerusi satu kenyataan semalam turut berterima kasih kepada Jabatan Kerja Raya (JKR) Sarawak atas kerjasama erat yang telah diberikan kepada JBALB Sarawak dalam memastikan lori tangki air diterima pada bulan April enggau Mei tu.
Naka 8 Mei, JBALB Sarawak udah nerima penyampau 12 buah lori tangki ai ke deka majak diagaih enggau dikena tetiap JBALB Bagi Menua.
Bisi 12 buah lori tangki ai ke bukai deka diterima JBALB Sarawak ba tengah enggau ujung bulan Mei 2019 ti ngujungka tetiap JBALB Baha Menua nerima dua buah lori tangki ai.
Nengah pemeri lori tangki ai tu ba tetiap bagi menua, Opis Menteri Utiliti pechaya JBALB Sarawak ldeka chakah agi jampat agi nentuka penguna ai beresi belama.