KUCHING: Pemansik ari Opis Kampung Sarawak (JHS) udah tetemuka berapa spesis ke nyelai enggau rikod ke baru sekumbang ekspedisyen saintifik Bukit Kelingkang bedau lama udah
Sida iya tetemuka bisi 20 iti spesis kulat nyngkaum ‘susu harimau’ ti chukup berega ba pengawa berubat.
Kelimpah ari nya, sida iya udah mujur tetemuka berapa iti bansa spesis utai tumbuh baka, “Halia Hutan” enggau “Kacip Fatimah” tu sama mega berega ba pengawa berubat.
Berebak enggau nya, berapa iti bansa pun bungai Orkid ti rega komersial kelimpah tetemuka kampung sekunder ti penuai lebih 20 taun.
Penulung Direktor Kampung Kanan JHS, Runi Sylvester Pungga ke mega nyadi chairman ekspidisyen madah, pekara ti ngerindu ati sekumbang tu iya nya tetemuka pun tauka ‘Host Plant’ iya nya alai bungai Raflessia tumbuh. Iya madah munyi nya ba Pengerami Nutup Ekspedisyen Saintifik Bukit Kelingkang 2019 ba Rumah (Rh) Stephen Anak Karin, Selepong Berangan, Sri Aman. Runi ngarapka peranak ngelingi Selepong ngintu kampung di Bukit Kelngkang laban nya nyadi pemansut ai beresi eti diguna besesehari ke diau ngelingi nya. Ngintu kampung endang udah nyadi tanggungpengawa kitai semua awak ke ulih nyediaka ai ti beresi sereta mega ngambika Banjaran Kelingkang ti dikelala nyadi palan eko-dagang temuai ti manah, ku iya.
Ku iya baru, ekspedisyen nya ukai semina naka nya aja laban bisi agi aktiviti ti deka diatur ba dudi hari ila.
Semua sampel enggau spesimen ti diulih sida deka dibai ngagai opis sida di Kuching awak ke dipansik enggau silik agi.
Kelimpah ari bejalaika pengawa mansik ba utai tumbuh enggau reptilia, sida pemansik mega mansik bansa tanah enggau hidrologi ba Bukit Kelingkang.
Diatu, enda mayuh penerang di deka didokumenka ari Bukit Kelingkang.
Berebak enggau nya, Ekspedisyen Saintifik BukitKelingkang 2019 deka diatur berengkah ari 1 ngagai 13 April udah disereta 45 iku iku pemansik ari Bagi PMansik,Pemansang enggau Inovasiyen Opis Kampung Sarawak lalu disaup 11 iku ke disaup peranak dia.
Pengerami nutup nya udah digulu peranak g enturung pendiau nya enggau bala tuai rumah ngelingi Selepong sereta sereta staf JHS.
Mega bisi diatur,pengawa beripai enggau main begulai engagu peranak menua nya.
Maya pengerami nutupan nya, sida boso bejuraika asil pansik ba raban sekumbang ekspedisyen ti diarika raban mansik bekaul enggau Entomologi, Botani, Konservasi, Tanah, Mikologi sereta Hidrologi.