MARUDI: Menteri Muda Kaunsil Kandang Menua, Datu Dr Penguang Manggil bisi bejalai ngabang Hari Raya ngagai bala penyukung enggau bala bakih iya ari komuniti Melayu.
Entara bala bakih ti bisi digusung Penguang iya nya Penghulu Haji Edrews Abdul Gaphar, Kaunsilor Ruhane Mohammad, Kaunsilor Khalid Sabel, pengajar Jamel Sabel, Kaunsilor Mohammad Bujang Majid, KK Abdulah Paie, KK Umar enggau KK Man Galau di Kampung Pemindahan.
Iya mega bisi ngabang ngagai bala ketuai opis perintah ti ngintu pengerami Hari Raya Aidilfitri.
Sida ti bisi nyempulang iya ngabang baka Chairman Kaunsil Pelilih Marudi (MDC), Edward Mendai enggau Sekretari MDC, Petrick Linggi Taboh sereta bala ketuai raban bansa China ke bukai.