BELAGU KITAI: Entara temuai ke dipebasa benung belagu seraya ngitauka Jalur Gemilang. Bela bisi dipeda Jacklyne (tiga kanan).
SONG: Beserimbai enggau pengerami nyambut Hari Merdeka ke deka datai, diak mayuh bengkah program bisi diatur.
Apin lma ke udah program Konvoi Jalur Gemilang Renggat Pelilih Kapit 2016 udah diatur ba Pasar Song.
Program tu nerima sukung ke chukup manah ari mensia mayuh kelebih agi peranak menua Song empu.
Kelimpah hari nya mayuh bengkah aktiviti bisi diatur baka pameran, sukaneka, nyabut tiket benasib, bejalai bebala mayuh enggau belajar chara ngena perengka pengerara api.
“Tiap iku kitai peranak menua tu patut bisi ati bebasaka menua kitai nengah prinsip ‘Rukun Negara’. Kitai patut seruran sepenemu sereta nelap enggau pangan diri,”ku iya
Sama bisi datai, pemesai Opis Pemadah, Joseph Laga, bala ketuai komuniti, bala tuai rumah, pengari ari opis perintah enggau NGO sereta ke bukai.