KUCHING: Serakup Dayak Bidayuh Nasional (DBNA) deka ngatur Malaysian Indigeneous Peoples’ Conference on Education (MIPCE II) kedua berengkah ari 20 ngagai 22 September ba Damai Beach Resort.
Berambaika leka jaku ‘Bridging languages, cultures and people together’, konferen tu diatur begulai enggau Unicef Malaysia, Unit Perambu Nengeri – Opis Kepala Menteri Sarawak, Biro Konvensyen Sarawak, Kaunsil Adat Istiadat Sarawak, Foundation Jaku Kadazandusun (KLF), SIL Malaysia, PACOS Trust, Universiti Malaysia Sabah (UMS), enggau Universiti Malaysia Sarawak (Unimas).
Nitihku penerang berita dikeluarka, MIPCE II deka nyadi palan gempuru sereta kaul enggau raban ejensi perintah, pakar-pakar, serakup bansa asal, gempung ukai dikuasa perintah (NGO), mensia mayuh, sektor korporat/peribit sereta ke bukai ti bebida chara ngagai pekara pelajar bansa asal, mayuh bengkah jaku pelajar sereta bekenaka jaku bansa diri dalam atur pengawa formal enggau ukai formal.
Ba pengujung MIPCE II tu, raban pengatur ngarap ulih mantaika enggau nyengala seiti set resolusyen bekaul enggau guna jaku asal dalam sistem pelajar Malaysia sereta ngelala pemun ngagai pemansang langkar enggau polisi ke nyata, nyengkaum advokasyen, penyedar raban komuniti, pengawa nyerenih sereta inisiatif pemansang kapasiti.
MIPCE ti keterubah udah diatur dalam bulan April 2007 alai bisi beribu iku datai ngulu rambau pengawa bejadi.
Lebih ari 200 iku delegasyen ngarika 21 bengkah jaku komunitin serata Malaysia netapka diri ngulu konferen pengelama tujuh hari nya.
Beberapa rayat menua tu enggau sebelas antarabansa mantaika pekara penyedar ba pemaik program pelajar ngena mayuh jaku (MLE).
Inisiatif bejalaika perambu MIPCE datai ari sekeda komuniti jaku asal di Malaysia ke deka ngetan, ngemansang sereta ngelakuka jaku bansa asal sida empu.
Sida dikelala nyadi duit turu pelajar ke tegap dalam nyendiaka penyambung ngagai pengawa belajarka jaku Melayu enggau jaku antarabansa ke bukai ngagai jaku asal diri.
Lansa ke bukai, serakup main asal peranak asal deka bisi awak ngadaka pengawa mansangka asil kereja sida, sereta mega ngaul pengawa main asal dalam konferen ke deka datai.
Sekeda ari pekara dikemerat dalam konferen tu nyengkaum mantaika penyulut program ba pelajar nyerenih ari serata dunya, nyengkaum Malaysia, sereta mega pengawa mandang, bup enggau bejualka asil pengelandik jari.
Pengawa deka mantaika ‘workshopon ‘EthnoArts in MLE’ ke dilangkar dikena ngayanka pemun jalai praktikal ngemansang sereta nyampur main asal seni etnik bekaul ke dalam MLE enggau program literasi.
Ba penembu latih nya, bala pesereta deka sedar agi pasal bakani guna seni dalam kereja sida enggau konteks pengidup, sekeda kereban dikena tama dalam teknik nyerenih bekaul enggau seni menua tu, lalu sekeda bantu pemun dalam jalai spesifik ba bentuk seni etnik ke patut dikena dalam ngemansang tauka MLE ke bisi diatu sereta program literasi.
Fasilitator worksyop iya nya Mary Elizabeth Saurman (International Ethnomusicology and Arts Consultant – SIL International) enggau Todd Wayne Saurman (Asia SIL Ethnomusicology Coordinator and Mainland Southeast Asia Group Ethnomusicology Consultant SIL International).
Nambahka nya, bisi diatur mega ngabas palan pelajar asal pengudah konferen nya ti diperambu kena 23 September.
Rejista nyereta MIPCE II diatu dibuka. Dikena ngerejista diri ba konferen, isi Pom Rejista Konferen tau didownload ari website MIPCE II (bayar rejista konferen RM50 ungkup rayat menua tu lalu US$%) ngagai sida ari menua luar).
Penerang ke silik tau betelefon ngagai bala sekretariat nengah email nuju [email protected].
Ngagai pengawa rejista enggau penerang ke silik pasal program konferen, endur tauka ungkus, tau lawa website www.mipe.com.