KUCHING: Barisan Nasional (BN) Sarawak andal ulih ngambi baru penuduk ke kala alah ba Pengawa Bepilih Besai Nengeri (PRN) 2011, maya PRN ke-11, bulan baru.
Sapit Presiden Parti Pesaka Bumiputera Bersatu (PBB) Datuk Amar Abang Johari Tun Openg madah, tu ulih dijapai nengah penyerakup ke tegap ba raban penyukung lebih agi ari pengundi bansa China. “Kitai alah penuduk di sitak mengeri sebedau tu (ba pengawa bepilih besai ke udah) laban penyarut ke nyadi entara kitai lalu ukai ketegal sida (penyakal) kering.
“Aku pechaya nyema bansa China beserakup, kitai ullih menang baru ba sitak mengeri,” ku iya madah ngagai pemberita pengudah bejadika papan iklan diod panchar lampu (LED) dagang temuai Sarawak sereta bejalai ngelawa rayat di Satok, ditu malam ensanus.
Sebedau nya, Abang Johari bisi madah pengawa masang papan iklan LED nya endang dikena nyungkak pengawa dagang temuai enggau program ke dilanggur perintah nengeri.
Maya PRN-10 taun 2011, BN menangi 55 ari 71 penuduk, ditangkan DAP menang 12 penuduk, PKR (tiga) lalu seiti chalun ngatika diri.
Maya PRN serak tu, bisi 82 penuduk deka diperebutka nyengkaum penambah 11 penuduk baru. — Bernama.