PVTKR dipeda baka deka besemekih enggau SRVA ngintu raban ex-Iban treker enggau Sarawak Rangers
KUCHING: Gerempung Veteran Sarawak Rangers (SRVA Baru) madahka gerempung nya ti patut ngintu ex-Iban treker enggau Sarawak Rangers, ukai Gerempung Veteran Tentera Kor Renjer (PVTKR) ti baru ditumbuhka.
Ba email ti dianjung ngagai The Borneo Post ditu kemari madahka SRVA Baru ditumbuh endang kelebih agi dikena mantu ex-Iban treker enggau Sarawak Rangers, laban pekara nya ti dikemeratka ex-bala pemesai Sarawak Rangers.
“PVTKR tau madah sebarang pekara ti dikedeka sida, tang pengamat iya nemu enda sida utai ti dikereja sida,” ku penerang nya.
Presiden SRVA Baru Lt Col James Tomlow (udah pinchin) madah, taja pan gerempung ti baru ditumbuh nya bisi pengingin deka mantu raban nya, tang sida patut meri penerang ti betul lalu ukai nyaruka runding bal veteran, kelebih agi ba raban treker enggau rangers ti udah pinchin.
“Kita baru ditumbuhka enda lama nya alai anang kelalu gagit deka ngalahka gerempung ti jauh udah lama ditumbuh ari kita,” ku Tomlow.
Nyata, SRVA Baru enda lantang ati enggau penumbuh PVTKR deka ngintu raban ex-Iban treker enggau Sarawak Rangers di nengeri tu nyengkaum semua veteran soldadu.
Sekretari PVTKR, Major Sharkawi Dawi (udah pinchin) kena Hari minggu tu tadi Saturday nimbal respon ari sekeda gerempung ranger veteran lebuh iya nandu baru madahka penumbuh gerempung nya ukai deka besemekih enggay gerempung veteran bukai tang nambahka gerempung.