SRI AMAN: Opis Parit enggau Entali Ai (JPS) Bahagian Sri Aman deka ngatur Miss Tourism Benak 2015 berambaika jaku “Masquerade Stick Mask” kena 17 nyentuk 19 April ila.
Pengari komiti program tu Encik Shukri Bin Talip madah, pekit tu dibuka ngagai peranak Malaysia ke beumur 18 nyentuk 25 taun sereta ke agi rumpas.
Peningi sida ke nyereta pekit tu iya nya 157 cm, taja pia indu ke kala nyadi champian Miss Tourism Benak 2013 enggau 2014 enda diterima nyereta pekit tu, ku iya.
Kenu ku iya, semina 15 pemekit deka dipilih bepekit ba renggat semi final enggau final.
Pemekit ke dipilih ila dipinta mayar yuran RM150. 00 maya ngerijista diri.
“Taja pia, pemekit ke mujur masuk renggat final dipinda mandangka ngepan sereta “Masquerade Stick Mask” nitihka rambai jaku ke udah dipadah,” ku iya mdah ngagai Utusan Borneo, ditu, kemari.
Nangkan nya, Shukri, perais besai deka nganti pemekit ke mujur nyadi champian iya nya nerima duit RM2000 enggau torfi, Lumur dua diberi perais RM1,500 enggau trofi lalu lumur tiga RM1,200 enggau trofi.
Pom ulih diambi ari Opis JPS Sri Aman sereta dianjung pulai baru sebedau 6 April tu.