MIRI: Pengereja pengawa peranak Indonesia mati ditimbak ba sebengkah kebun sawit di Batu Niah kilah lemai ensana.
Lelaki ke beumur 37 taun nya mati ditimbak maya belaya enggau rayat menua tu bekaul enggau status menggi kebun sawit nya.
Laya majak nyadi sekumbang kompeni nadai agi ngelawa kebun sawit nya kenyau beberapa bulan ke udah.
Polis diuluka raban forensik enggau K9 datai ngelawa palan penusah nya pengudah nerima ripot kira pukul 1.45 lemai.
Udah nya, polis bisi ngerampas senapang patah lebuh ke nyerungkai rumah saspek kelimpah nyidi bala saksi kes.
Tiga iku saspek lelaki ke beumur 29, 45 enggau 57 taun ditangkap laban deka dipansik nitihka Seksyen 302 Kanun Keseksaan.