MUJUR DITEMU: Raban penerit adat SFC maya mansik batang kayu ke dirampas sida.
SIBU: Gerempung Opis Kampung Sarawak (SFC) mujur ngerampas 312 batang kayu ke dipelaba ditebang enggau chara belalai.
Batang kayu nya ditemu raban penerit adat SFC maya bejalaika pengawa matau ba sebengkah lupon di Tatau, Bintulu kena hari Enam tu tadi.
Nitihka penerang ke diberi ensana, SFC madahka sida bisi kebuah ti ulih madahka batang kayu nya ditebang enggau chara belalai.
Kelimpah ari nya, SFC mega madahka raban sida deka semampai bejalaika pengawa matau dikena ngemunaska pengawa nebang kayu chara belalai.
Nyentuk berita tu ditulis, penyampau rega batang kayu empai ditemu lalu pansik mengkang dipejalaika.