KUALA LUMPUR: Perintah benung mansik chara baru tauka mekanisme dikena nentuka raban orang ke bisi nyimpan duit dalam Opis Wang Turu Pengereja Pengawa (KWSP) ngembuan duit ke chukup dikena sida nupi diri pengudah ke badu gawa.
Sapit Menteri Wang Datuk Ahmad Maslan madah, perintah nengah KWSP deka ngaduka langgur penemu ti manah dikena mutarka pekara tu.
“Laban penyampau pupu rata rayat Malaysia ke beumur entara 75 taun enggau lebih tuai ari tu udah mansutka KWSP sida maya umur 55 taun, reti nya agi bisi 20 taun endur sida nupi diri.
“Nama utai ke patut digaga. Tu benung diperati enggau silik, deka dipejalaika sekeda langgur penemu ungkup KWSP,” ku iya lebuh nyaut tanya tambah ari Normala Abd Samad (BN-Pasir Gudang).
“Kelimpah ari nya, nengah undang-undang ke bisi besangkut enggau gaji minimum, penyaumpau duit orang ke nimpan duit dalam KWSP dipeda bisi nambahka berengkah ari 1 Jan 2013 ke diteritka ba bulan Januari 2014.
“Nengah undang-undang umur orang pinchin minimum ditumbuh, sida ke nyadi kaban KWSP agi ulih besimpanka duit nyentuk umur manggai 60 taun berengkah 1 Jan 2013,” ku iya.
Berebak enggau nya, Ahmad Maslan madah, naka bulan September taun tu, KWSP ngembuan kira
14.11 juta iku kaban. Ari penyampau nya sida ke agi mengkang besimpanka duit iya nya 6.59 juta lalu penyampau pengaji ke agi tubah bebayarka KWSP ngagai pekereja sida iya nya 528,369. — Bernama