SIBU: Empat iku dipadahka parai ba penusah jalai alun entara sebuah kerita enggau lori ba Jalai Sibu-Tanjung Manis, kilah ensana.
Penusah ke nyadi nya urung pukul 4.30 lemai lalu nabanka nyawa Alister Hii Ko Sii, 4, Lidya Lopo, 12, Diana Lopo, urung 20 taun enggau Ling Jin Jin, urung 20 taun.
Semua sida bela dipadahka mati ba palan penusah nya.
Deriba kerita ke ditepan sida empat tu iya nya seiku lelaki ke semina ditemu enggau nama Raymond dipadahka semina bakal kelimpah dua iku agi iya nya Sariyah Aziz, urung 30 taun enggau Sadai Umpi, urung 40 taun bakal raya.
Sebedau penusah nya nyadi kerita tu dipebalaka datai ari Sibu ngelawa Tanjung Manis betembung enggau sebuah lori ke datai ari mua.
Gaya hari maya nya dipadahka benung bangat ujan.
Deriba luri Kon Khun Soon enggau seiku agi ke nepan luri tu iya nya Tang Hiong Wei bela bakal ba penusah nya.
Opis Bomba Sungai Merah nerima kanggau telefon ari mensia mayuh urung pukul 4.48 lemai nya.
Bangkai sida empat dibai ngagai Sepital Sibu.
Kerita enggau lori mega dibai ngagai Balai Polis Sungai Merah.