BEPERINDANG: Raban nembiak beperindang ba sebengkah main ti bisi diatur maya nya.
SARIKEI: Kaban gerija Borneo Evangelical Mission (BEM) ditu, udah mujur ngatur kem ruang bilik ba Diocesan Pastoral Centre, Jalai Kemuyang, Batu 10 Jalai Oya di Sibu ditu empai lama ke udah.
Bisi 78 iku sida ari 25 ruang bilik ngarika gerija BEM ngulu atur pengawa tiga hari nya seraya ngenegapka kaul nengah jalai pengarap entara ruang bilik penyereta.
Sekeda ari atur pengawa ti bisi dipejalaika, pekit lumba enggau main, eksesais aerobik sereta sekeda atur pengawa dalam jalai pengarap.
Ku Wong Toh Hua ke nguluka program nya, kelimpah ari ngenegapka kedut nengah jalai pengarap, iya pechaya, atur pengawa nya meri awak ngagai sida ngelala pangan diri enggau dalam agi.
Kelimpah ari mai mayuh penguntung, iya mega ngarapka program ti sebaka ulih diatur ninting taun.