SARATOK: Seiku lelaki dibai ngagai Kot Majistret Sarikei kemari, pengudah ke dituduh enchuri sekeda barang ke dipenggi seiku peranak ditu, empai lama ke udah.
Nitihka penerang kes ke dibacha sentang saspek maya pechara nya, kena 7 Ogos (Hari Empat) lebih kurang pukul 8.30 pagi, seiku orang madahka stor kebun iya kena serungkai pechuri.
Bepelasarka kompelin orang ke ngempu kebun nya mega, udah dua kali stor iya kena serungkai.
Berindik ari nya, sekeda barang baka rachun rumput, tong pemanchit enggau injin rumput uya bisi lenyau lalu penymapu pengerugi dipelabaka RM1,140.
Asil ari ripot nya mega, raban polis bisi bejalaika pansik lalu mujur nangkap saspek.
Saspek ditangkap sereta diriman.
Kes tu dipansik nitihka Seksyen 414 Kanun Keseksaan lalu nyengala salah tau ditinggang ukum duit RM2,500 tauka dijil 3 bulan.