KAPIT: Presiden Parti Pekerja Sarawak (SWP) bisi nyuaka bantu RM2,000 ngagai Gerija Methodist Iban Kapit ba Jalan Memora ditu pengudah komiti gerija nya minta sukung laban raban sida deka ngusung gerija di Kuala Lumpur tengan bulan tu ila.
Pemayuh bala sida ka deka bejalai ngusung sekeda ari gerija ba Kuala Lumpur nya bisi 30 iku. Taja pia, gerija nya agi begunaka mayuh bantu ari bala bukai laban agi mayuh perengka sereta penyikap bukai empai cukup lebih agi pemakai.
Ketuai gerija Methodist Iban, Kaso Linang nerima bantu nya ari Larry seraya diperatika Pastor Joshua Mangka, Pastor Hellen Jaba enggau bala komiti bukai Rosline Rinda, Doris Peter Gani, Subang Sumbang, Rendi Kemarau, Nagi Abing, Rose Emboy, Winnie Tubak, Engkamat Gisang, Jakob Baling, Selimah Padan, Jimmy Jadam enggau Bato Jampi.