SIBU: Jematan kayu ke meraka Sungai Bawang Assan disilih enggau sebuah jematan semin ti deka ngelantangka urung 3,000 peranak menua nya.
Sekreteri Politik Kepala Menteri, Andrew Shilling Bangit madah projek ngaga jematan nya beungkus RM3.7 juta.
“Pengawa ngaga jematan semin nya kena nyilih jema-tan kayu ke udah kelalu lama sereta deka ngelantangka per-anak ari semilan buah rumah panjai di Bawang Assan,” ku iya pengudah nyadi chairman aum enggau bala tuai rumah ari kandang menua Bawang Assan, kemari.
Aum nya mega digulu Pen-gulu James Semilan, berand-auka pekara kena nyendiaka diri ba atur pengerami nasih tanah jematan nya kena 20 Julai tu ila.
Pengerami nasih tanah nya deka dipenyadika Menteri Wang Kedua ke mega ADUN Bawang Assan, Dato Sri Wong Soon Koh pukul 9 pagi.
Ku Andrew, perintah se-mampai mendingka peminta peranak di Bawang Assan bekaul enggau pekara ngaga jematan nya sereta semampai naka ulih nyilih jematan kayu nya ngena jematan semin.
Sebedau tu, jematan kayu ke ngelui 30 taun nya semina ulih ditengah orang ke bedarat enggau mutosikal aja.
“Enti udah tembu ila, jema-tan semin nya ulih ditengah kerita ke besai agi,” ku iya seraya madahka jematan nya digaga atas penyakah ari Wong.
Andrew arapka peranak menua di Bawang Assan meri kerejasama ngambika projek jematan ulih dipejalaika eng-gau mujur.
“Perintah udh ngemen-darka projek nya lalu duit pampas mega udah dibayar ngagai orang ke patut nerima. Kami arapka projek ulih dipejalaika enggau mujur,” pia ku iya.