SIBU: Sebuah rumah panjai di Nanga Sekutan, Sebauh di pelilih Bintulu diatu nyadi chuan teladan ngagai raban bansa Iban bukai laban udah mujur nempa nembiak ke nyulut dalam pelajar.
Naka ke diatu, Rh.Miekle Ding, iya nya sebengkah ru-mah panjai moden 28 pintu ke udah mujur nempa 71 iku siswazah enggau mahasiswa, lalu lapan iku ari sida diatu nyadi doktor, kelimpah ari nya 21 iku gawa nyadi in-jinir.
Kelimpah ari nya, dua iku ari peranak rumah panjai nya ke udah bulih PhD lalu seiku agi benung nembuka pelajar ba tikas ke sebaka dalam bi-dang virologi ba sebengkah universiti di London.
Chairman Kaunsil Pen-yanding Penemu 1Malaysia Sarawak Datuk Joseph Salang muji peranak rumah panjai nya sereta nembiak redak laban ke mujur nempa mayuh peranak ti bepelajar tinggi.
Antara sida tu mega iya nya Sekretari Jeneral Barisan Nasional (BN) Negeri Datuk Dr Stephen Rundi Utom, ke mega seiku doktor.
Dr Rundi ti mega Kaban Kunsil Nengeri (ADUN) Ke-mena diatu mangku pengawa nyadi Menteri Muda Rengka Rama (Bekal Elektrik eng-gau Komunikasyen) enggau Menteri Muda Pemansang Nembiak (Menua Pesisir).
Salang madah pemujur ru-mah panjai nya endang patut nyadi chunto ngagai raban bansa Iban bukai ba menua pesisir.
“Tu mandangka nembiak ari menua pesisir bela ulih mujur, ngembuan penyulut ba pelajar sebaka enggau bakih sida di mengeri,” ku iya seraya mulaika diri ari sitak parlimen Julau, ensana.
Iya madah, minggu nyin kemari, rumah panjai nya nyadi palan endur ngatur Pengerami Gawai-Kaaman-tan begulai antara Balai Dagang enggau Industri Dayak (DCCI) enggau Balai Dagang enggau Industri Kadazandu-sun (KCCI).
Tu endang pengerami tembu pengawa ngetau keterubah diatur begulai antara raban bansa Dayak Sarawak enggau raban bansa Kadazandusun Sabah, ku Salang, ti mega presiden DCCI. — Bernama