SARIKEI: Polis ditu ngerami seiku staf ke deka pinchin gawa ba sebengkah pengawa merarau ba Marine Base ditu ensana.
Justina Kua masuk polis nyadi kerani ba Opis Special Branch Bintangor dalam taun 1978 deka pinchin gawa kena 13 April.
Kua gawa di Bintangor berengkah ari 1978 nyentuk ke 1981 sebedau dipindah kitu nyentuk ke pichin.
Sama bela diintu maya serumpu nya bala kaban staf ke mega baka Kua ada dalam bulan April – Inspektor Edward Bakong, Sgt. Mohd Fadzly Abdullah enggau konstabel Mohd Hafiz Suzairie.
Sekeda orang ke bisi datai Kepala Polis Pelilih Mit Sarikei Supt. Poniman Margiman, mandal, DSP Dominic Josip enggau Kepala Pampang Special Branch, ASP Ahmad Tarmizi Bastani.