SIBU: Seiku orang dagang ngaga ripot polis bedawaka sekretari iya di Vietnam ditipu dalam skim tipu bungkus (parcel scam).
Tiong, 57, nerima panggil talipaun ari sekretari iya ke benama Tang kena 10 Februari tu tadi urung jam 10 pagi madahka bakih iya di London bisi ngirum utai nyengkaum duit tunai dalam bungkus.
Bungkus nya kenu ngundan duit tunai 20,000 Pound, laptop, bunga, barang berega, minyak wangi bejenama, baju getah enggau henbeg.
Tiong madahka, bungkus nya sepatut iya dianjung ngagai Tang di Vietnam tang kenu kena tan Kastam di Kuala Lumpur.
Kelimpah ari nya, Tang ngasuh Tiong mantu iya nuntut bungkus nya.
Dua hari udah nya, Tiong berandau enggau seiku pemesai Global Express Delivery bekaul enggau bungkus nya, tang diasuh bebayar 1,500 USD lepas iya ke ditukik sentang pekara nya.
Dalam kandang hari nya mega, Tiong madahka, Tang ngasuh iya ngirum duit ngagai pemesai nya lalu meri lumur akaun bank.
Taja pia, pengereput enda nyimpan duit udah nyepi enda lantang ati lalu madahka ngagai sekretari iya tu udah kena tipu.
Tiong mega ngasuh sekretari iya ngaga ripot polis di Vietnam bekaul kes nya.