KUCHING: Penanyi baru ke tebilang nengah lagu ‘Playboy Itu Suami Aku’, single Rindukanlah, Encik Mimpi bisi begulai enggau bala peminat iya ditu.
Iya ada di Miri tang besai di Kuala Lumpur ku iya madahka pengagit ati meda sambut bala peminat iya bandar raya tu.
“Enda disangka nama aku mega dikelala orang ditu, nya udah nyadi basa besai ungkup aku seraya orang baru dalam bidang seni di menua tu.
“Aku nadai bisi bemimpi nyadi artis sebedau tu. Nya tuah aku enggau nya aku enda deka empelita sukung bala peminat di serata menua,” ku iya bejaku ba aum media lebuh betemu enggau peminat di Kompleks Islam Sarawak, ensana.
Nundaku iya, iya keterubah ngepunka karier seni nengah laman You Tube enggau Blog sebedau diambi seiku komposer lagu di Kuala Lumpur lalu dikearapka nyampai asil ke digaga.
Ku iya baru, karya ke terubah iya nya diterima orang mayuh lalu belabuh dia dimain dalam mayuh bengkah setesyen radio di serata Malaysia.
Encik Mimpi ngena tuping seraya nguna nama Encik Mimpi.
“Aku pegari dalam mimpi ungkup semua peminat. Aku deka neruska nguna gaya tu. Bedau maya aku mantaika mua enggau nama sebedar dulu,” ku iya.
Awak betemu enggau bala peminat nya muka peluang ngagai bala peminat Mimpi ngambika ngelala iya enggau sempil agi.