KUCHING: Pengereja pengawa volenter Lim Chee Haw diatu kiruh besadungka barang pemakai ngagai orang ke bepenyuntuk kelebih agi sida ke deka ngintu Pengerami Taun Baru China.
Bedau lama ke udah, iya bisi nyadung pemakai baka berau, minyak makai, mi jampat mansau enggau buah limau ngagai House of Peace di Jalai Landeh Kota Padawan.
The House of Peace, dikemata sebengkah gerempung Katholik, ditumbuhka ungkup orang tuai ke nadai orang ngibun.
Sekeda ari orang ke meri pemakai nya Ibu Chai ari BDC meri empat kambut beras 10kg. Seiku agi orang ke enggai meri nama nya ari Kuching meri RM100, empat kambut beras 10kg, minyak makai enggau ampau.
Ba kaul ke sebaka, Lim madahka iya ulih mantu orang ke suntuk bebelika lungun ungkup bala kaban belayan orang ke udah nadai.
Penerang ke silik tau diambi ari Lim nengah lumur 016-8070388 tauka 082-248153.