SIBU: Dua kru sebuah kapal tungkang ti karam di Nanga Ebau, Sungai Rajang, Kapit pagi ensanus dipelabaka lemas.
Ketuai Polis Pelilih Kapit Deputi Superintedan Freddy Bian madahka seduai dua nya peranak India sereta dikelala enggau nama Abhishek Kiran Jamdade enggau Kaishek Radheshayam Badai.
Ku Freddy, urung pukul 5.40 pagi, kapal tungkang nya benung ngauk pasir di kandang menua Nanga Ibau, Sungai Batang Rajang, Kapit, pantis.
“Pansik tumu madahka kapal nya tenggelam laban pantis lalu injin pam rusak.
“Bisi tujuh kru berada ba kapal nya lebuh penusah nyadi, tang lima iku ari sida nya mujur nyelamatka diri,” ku iya lebuhka dirandau.
Nitih ku Freddy, Raban Ngiga enggau Nyelamat (SAR) dikerah ngagai endur penusah nyadi, datai ari empat raban polis enggau tujuh iku kaban Bomba ari Opis Bomba enggau Penyah Penusah (BBP) Kapit ngena dua buah bot.
Ku iya, tim penyelam ari Opis Bomba Penyah Penusah Sibu mega bisi dipadah pasal penusah nya lalu datai ngesah ngagai endur penusah nyadi.
Dataika berita tu ditulis, nasit seduai kru nya apin ditemu.