KOTA SAMARAHAN: Kepala Menteri Datuk Pat-inggi Abang Johari Tun Openg mai semua anak Sarawak terus tegap ngetanka penyerakup, pemaik enggau pengelantang rayat di nengeri tu.
Iya ngelalau rayat nengeri tu ngambika enda mudah nerima penemu ti ulih ngeruga peny-erakup enggau pengelantang nengeri enggau rayat.
“Nyerumba Pengerami ‘Minggu Perpaduan 2017’, aku deka mai tauka ngansak semua anak Sarawak, enda ngira bansa sama bebendar ngetanka peny-erakup enggau pengelantang rayat di nengeri tu.
“Anang mih kitai ngemen-darka orang ke jai runding ari luar ngerachun runding rayat lalu nempa ati enggau runding ti begedi ngagai diri sama diri.
“Pambar enggau penyarut entara rayat kitai nadai ngun-tungka sesapa,” ku iya dalam jaku iya ti dibacha Sapit Kepala Menteri Datuk Amar Douglas Uggah Embas.
Uggah ti mega Menteri Be-tanam Betupi Moden, tanah Adat enggau Pemansang Kan-dang Mengeri ngarika Abang Johari bejadika pengerami ‘Sambutan Minggu Per-paduan Peringkat Rukun Tetangga Negeri Sarawak Tahun 2017’ ke diatur Opis Penyerakup enggau Inte-grasi Bansa Nengeri Sarawak (JPNIN) nengah kerejasama Opis Residen Bagi Menua Samarahan ba Dewan Suarah Samarahan, ditu kemari.
“Pekara ti dikearapka aku iya nya ngambika kitai sama ngambi awak ke diberi iya nya ngenegapka penyerakup entara kitai laban penyerakup nya pengering tauka penegap kitai jemah ila,” ku Abang Johari.
Iya madahka, di nengeri tu ukai semina ngemeranka toleransi bansa enggau nerima mayuh bengkah jalai pengarap tang kitai mega sama ngerami pemayuh nya nyentuk nyadi seiti penegap rama dalam ra-ban bansa enggau nengeri.
Ngerami pemayuh pupu bansa enggau jalai pengarap nya ukai retorik tang bisi diayanka lebuh nemuai ngagai kandang menua di Sarawak sereta ulih dipeda baka ni rayat pupu bansa ke ulih idup dalam pemaik enggau pengelantang, ku iya.
Di Sarawak ku iya, masjid ulih besepiak enggau gerija sereta nadai sebarang pekara negatif nyadi kelimpah ari dalam sesebuah ruang bilik bisi nyambut mayuh bengkah pengerami jalai pengarap dalam setaun.
Mayuh aktiviti pemaik eng-gau pengelantang entara jalai pengarap diatur palan be-sembiang enggau gerempung jalai pengarap, ambika chunto Pengerami ‘Berbuka Puasa Per-paduan’, Gawai Raya enggau ke bukai, ku Abang Johari.
“Aku arap bendar tu seni-pak enggau juluk kitai ti numbuhka seiti raban bansa ti beserakup tang ngembuan chuan ke diri empu.
“Rayat Sarawak berasai betuah laban nengeri tu ulih ng-etanka pemaik enggau penge-lantang jalai pengarap enggau rama ke udah lama ditempa.
“Kitai enda belaya enggau pangan diri pasal jalai penga-rap sereta kaul rama enggau pangan diri laban penegap penemu enggau runding beba-saka pangan diri udah dikem-eran sereta dikemeratka dalam pengidup kitai,” ku iya.
Sama bisi datai ba pengera-mi nya kemari, Menteri Peng-intu Pengelantang Pendiau, Pengelantang Raban Bansa, Orang Indu, Ruang Bilik eng-gau Pemansang Nembiak Mit Dato Sri Fatimah Abdullah, Menteri Muda Jalai Pesisir ti mega ADUN Sebuyau Datuk Julaihi Narawi, Direktor JPNIN Sarawak Dirwana Azool enggau ke bukai.