Anda di sini

156 iku udah nyereta UKHMK ke diatur Briged Ke-31 Infantri

 Fadzil nyuaka perais ngagai tim champion maya UKHMK renggat formasi di Sibu, kemari.
MUJUR: Fadzil nyuaka perais ngagai tim champion maya UKHMK renggat formasi di Sibu, kemari.

SIBU: Briged Ke-31 Infantri udah ngatur Ujian Kemahiran Menembak, Halangan dan Kawad (UKHMK) renggat formasi ditu, kemari.

Pekit tu digulu 156 iku penyereta ari enam bengkah tim iya nya Kem 31 Briged, Batalion 6 Rejimen Sempadan (RS), Batalion 7 RS, Batalion 8 RS, Batalion 9 RS enggau Batalion 10 RS.

Tuju pekit tu diatur iya nya laban deka milih penyereta ngarika Briged Ke-31 bepekit ba renggat 1 Division ti dipelabaka deka diatur bulan Oktober ti deka datai.

Ba pekit nya, Batalion 7 RS dipadu champion lalu sida ke mujur dipilih maya tu iya nya tiga pemesai enggau 31 iku raban bukai.

Panglima Briged Ke-31, Brigedier Jeneral Datuk Fadzil Tajudin maya bejaku ngelalau bala ke dipilih nya deka mujur ba pekit nangkan ke tu ila.

Taja jam latih serekat tang kitai ngarapka kita mujur ila lalu ngarapka kita semampai chakah maya latih nangkan sebedau pekit nya ila diatur,” pia ku iya madah.

Kelimpah ngiga pengari, tuju pekit diatur iya nya deka nempa ulah bekerejasama bepelasarka pengelaju enggau pengikar.