Anda di sini

JPBNS nentuka bantu kena ngaga baru rumah tauka rumah panjai

Advertisement

Penyampau bantu ke diberi ngagai ti kena penusah angus diputuska pengudah nerima ripot ari Opis Residen 

Uggah (tengah) maya ngabas taba rumah Charles (kiba) ti angus kena 28 Mac apin lama. Sama bisi datai Dr. Richard (kanan).
Uggah (tengah) maya ngabas taba rumah Charles (kiba) ti angus kena 28 Mac apin lama. Sama bisi datai Dr. Richard (kanan).

"Opis Residen deka nisih dulu penyampau ke patut dibantu perintah. Pengudah nerima ripot tu, komiti ba JPBNS deka ngaga pemutus dalam timpuh seminggu."

Datuk Amar Douglas Uggah Embas 
Sapit Premier Sarawak 

KUCHING: Komiti Mutarka Penusah Ngenyit Nengeri Sarawak (JPBNS) deka nentuka penyampau bantu diberi ngagai orang ti  tasah angus kena ngaga baru rumah tauka rumah panjai ke udah angus nya enggau lengkas.

Sapit Premier Sarawak ti mega Chairman JPBNS Datuk Amar Douglas Uggah Embas madahka komiti nya nentuka penyampau bantu ti deka diberi ngagai tiap sida ti kena penusah ditentuka pengudah nerima ripot ari Opis Residen (ba endur diri empu).

"Opis Residen deka nisih dulu penyampau ke patut dibantu perintah. Pengudah nerima ripot tu, komiti ba JPBNS deka ngaga pemutus dalam timpuh seminggu," ku iya.

Iya madahka pekara nya pengudah ngabas Charles Tegalang di Nanga Tiga, Layar, Betong ti kena penasah angus apin lama.

Dalam insiden ti nyadi kena 28 Mac apin lama, Charles nadai agi endur diau ti mega kedai runchit iya.

Ngenang penyampau bantu ti diberi ngagai tiap iku ti kena tasah nya, Uggah madahka perintah Gabungan Parti Sarawak (GPS) bisi nyendiaka bantu ungkup nya sepenyampau maksimum RM70,000.

"Tu (bantu) dikena ba tiap rumah individu tauka unit individu rumah panjai.

"Tang udah tentu Opis Pengelatang Pendiau Komuniti nengeri mega deka meri bantu tumu baka barang ke diguna tiap hari ngagai sida ti kena penusah," ku iya.

Sama bisi datai ngabas Charles sebilik, Kaban Parlimen Betong, Dr Richard Rapu.
 

Advertisement