Anda di sini

20 iku pengemeran pengawa ngaga kraf enggau ba pengawa mandang, bejual ba Best of Sarawak Craft 2023 

Advertisement
Barang digaga ari marik bisi dipandangka sereta dijual. 
Barang digaga ari marik bisi dipandangka sereta dijual. 

MIRI: Bisi 20 iku pengemeranka pengawa ngaga kraf ditu enggau ba pengawa mandang enggau bejual ba Best of Sarawak Craft 2023 ke benung diatur ba Bintang Megamall ditu. 

Program nya diatur begulai Kaunsil Kraf Sarawak, Kuching enggau Batik Linut Sdn Bhd, ti diatur berengkah ari 23 November nyentuk Hari Minggu ke deka datai tu. 

Pengari pengatur madah, tuju pengawa mandang enggau bejual kraf endang kena mandangka asil kraf jari enggau tradisyen mayuh bengkah etnik di bag menua tu. 

"Tuju pengawa mandang nya mega endang kena mandangka seni pengelandik enggau kreativiti kraf raban bansa etnik di negeri tu lalu ngaga nya nyadi siti ari produk kena matak temuai nemuai ke negeri tu kelebih agi Miri," ku iya. 
 
Bemacham bansa aksesori berengkah ari dikena ngias diri, beg, tekstil enggau ke bukai bisi dipandangka sekumbang program nya. 

Mensia mayuh mega bepeluang meli mayuh macham bansa krafti dipandangka ba rega ke patut tang ngembuan kualiti tinggi sereta pemadu manah. 

Advertisement