Anda di sini

Sarawak mujur nempa RUU kena ngetanka kuasa tetinggi negeri

Advertisement
Abang Johari baru datai ba pengerami makai lemai meri pengaga ati ngagai GPS Backbenchers Night 'One for All, All for One' (Sarawak First) ba Hotel Sheraton ditu, malam Hari Tiga tu tadi. - Gambar Roystein Emmor
Abang Johari baru datai ba pengerami makai lemai meri pengaga ati ngagai GPS Backbenchers Night 'One for All, All for One' (Sarawak First) ba Hotel Sheraton ditu, malam Hari Tiga tu tadi. - Gambar Roystein Emmor

KUCHING: Sarawak maya Aum Kunsil Negeri (DUN) ti berengkah kena 20 nyentuk 29 November tu tadi, udah mujur nempa Rang Undang-Undang (RUU) kena ngetanka kuasa tetinggi negeri.

Premier Sarawak Datuk Patinggi Tan Sri Abang Johari Tun Openg madah, RUU nya mega nyadi koordinator dikena ngaduka pemansut penatai pemisi ekonomi negeri. 

Lima RUU iya nya RUU Perbekalan (2024), 2023; RUU Ombudsman Sarawak, 2023; RUU Rampa Menua (Ngurang Ngelepaska Gis Rumah Gadung), 2023; RUU Pengagihan Gas (Pindaan), 2023 enggau RUU Elekterik (Ubah), 2023.

“RUU Ombudsman meri mesej penuh ngagai semua ke alai Sarawak ngaduka administrasyen enggau penuh integriti,” ku iya.

Iya madah munyi nya maya  pengeami makai lemai meri pengaga ati ngagai GPS Backbenchers Night 'One for All, All for One' (Sarawak First) ba Hotel Sheraton ditu, malam Hari Tiga tu tadi. 

Kelimpah ari nya ku iya, Aum DUN ke sekali tu mega beratika penyakal bela ngaku sereta meri basa ngagai pekara ti udah ditegika Gabungan Parti Sarawak (GPS) ngelama tu. 

“Pengerami Makai Lemai Beserimbai enggau Forum Dagang Muslim Global (GMBF) 2023 ba Palan Konvensyen Borneo Kuching (BCCK) ditu kena malam Hari Dua tu tadi, Menteri Besai Datuk Seri Anwar Ibrahim ngaku GPS beguna amat ba pengawa numbuhka Perintah Penyerakup enggau penegap politik menua.

“Iya (Anwar) mega terima kasih ngagai sukung penuh ari GPS, nyentuk ke iya ulih ngemudika Malaysia nuju kalih ekonomi ti lalu ngelangkar pemansang menua jemah ila,” ku Abang Johari. 

Nengah sukung penuh ari GPS ku Abang Johari, perintah ti betuaika Anwar taun enggau taun bukai ti deka datai ulih fokus ngagai pemansang menua. 

“Ba Sarawak, kitai semina ngetanka kerejasama sereta terus ngemansangka negeri. 

“Kitai bisi mayuh pekara ti patut digaga nyentuk ke taun 2030. Pengudah 2030, nya deka nyadi siti agi pemar ti deka datai, tang pekara ke beguna (diatu) lakka mih kitai, baka ti dipadahka aku, nempa Sarawak nyadi hab rantau tu.

“Singkang keterubah iya nya kitai ngenegapka pengering dalam (bidang) energi, lalu ke bukai nya deka nangkan,” ku iya. 

Advertisement