Anda di sini

Sarawak deka nentuka ikas umur nembiak ngena chara diri empu: Abdul Karim 

Advertisement
Abdul Karim maya aum media ba Kunsil Negeri kemari. – Gambar Chimon Upon
Abdul Karim maya aum media ba Kunsil Negeri kemari. – Gambar Chimon Upon

KUCHING: Sarawak enda enggau perambu perintah besai ti  ngubah definisyen nembiak ti nurunka ikas umur raban nya ari 40 ngagai 30 taun ti diteritka berengkah ari bulan 1 Januari 2024.

Menteri Nembiak, Lumba enggau Main enggau Pemansang Orang Dagang Sarawak, Dato Sri Abdul Karim Rahman Hamzah madahka Sarawak deka nentuka ikas umur nya ngena chara diri empu. 

”Kami di Sarawak baru udah nurunka (ikas umur ari) 45 ke 40. Beri kami timpuh mimit, asai aku (tikas umur deka) majak lama majak nurun tang ukai ba maya ke diatu,” ku iya madah maya aum media pengudah nyimpul jurai opis menteri iya maya Aum Kunsil  Negeri (DUN) ditu, kemari.

Ngenang silik pasal pekara nya, Abdul Karim madahka Pertubuhan Belia Kebangsaan Bersatu Sarawak (SABERKAS) ambika chunto, bisi chara kediri empu kena nentuka kaban komiti baikka ba renggat pusat mtauka pampang.

Ku iya, abis nadai 70 peratus kaban komiti SABERKAS beumur  dalam 18 ke 40 taun.

”30 peratus agi, kami ngemendarka sida ti beumur lebih ari 40 taun ketegal bisi ke buah ke patut.  

”Di Sarawak kami meda (sida) ke beumur tuai mimit dikearapka ulih ngembing sida ke biak. Kekadang orang  biak begunaka embing lebuh bejalaika pengawa sereta ngaduka aset, pekara wang enggau ke bukai. 

”Taja pia, aku enda ngenadaika mayuh agi bala nembiak ke ari baruh umur 40 nya profesional. Kami nudukka sida (nembiak) nyadi chalun ba pengawa bepilih,” ku iya. 

Dulu ari nya dalam ripot berita Bernama kena 23 November 2023, Menteri Nembiak,Lumba enggau Main Hannah Yeoh madahka  perintah udah netapka hari bulan neritka Akta Gerempung Nembiak enggau Pemansang Nembiak (Ubah) 2019 [Akta A1602] kena 1 Januari taun 2026.

Ku iya, ubah nya nyengkaum nurunka ikas umur nembiak ngagai 30 taun, netapka ikas umur ketuai tauka pemegai pangku pengawa dalam gerempung nembiak , iya nya ari 18 nyentuk 30 taun sereta netapka timpoh ketuai gerempung nembiak pengelama empat taun aja.

Ku iya, pengawa netapka hari bulan nya endang asil ari beberapa siri randau entara Opis Menteri  Nembiak, Lumba enggau Main (KBS) enggau Kaunsil Nembiak Malaysia (MBM).
 

Advertisement