KUCHING: Lembaga Multimedia Sarawak (SMA) deka ngatur Hari Penyedar Pengelikun Siber SMA beserimbai enggau Bulan Inovesyen Pengereja Pengawa Perintah kena 9 Disember.
Bemacham aktiviti ti begulai enggau diri sebilik deka diatur berengkah pukul 6 pagi nyentuk 11 pagi nyengkaum belanda sepenyauh 5km enggau bedarat 1.5km ba Padang Merdeka ditu.
Belanda nya nyadi platform kena ngajar sereta ngenegapka individu ngena penemu sereta nyikap sia ngena utai ti diguna kena mutarka dunya 'online' enggau selamat.
Bela deka diatur iya nya pengawa mandangka pasal pengelikun siber ari ejensi ke bekaul baka Opis Komunikesyen enggau Multimedia Malaysia (SKMM), SAINS enggau ke bukai dikena nambahka penyedar bekaul enggau pemesai guna pengelikun siber.
Mensia mayuh ti deka enggau Belanda Penyedar Pengelikun Siber SMA tau ngerejister diri ba www.gritevent.com/csar2023 lalu yuran RM10 deka dipinta ungkup tetiap penyereta.
Penyereta deka diberi midul nyereta enggau t-shirt kelimpah ari tau enggau nyabut tikit benasit ti nyendiaka perais dron.