SRI AMAN: Peminat grup musik di Sri Aman ditesau masuk pekit Battle of the Bands beserimbai enggau Regatta Lingga ti deka diatur kena 8 Disember, berengkah pukul 7 malam ba Panggau Budaya Regatta Lingga ditu.
Komiti Pengatur madah, pekit nya ila dibuka ngagai semua Raban Band di Sri Aman.
Yuran masuk pekit iya nya RM 100 ungkup tetiap Raban Band ti deka masuk pekit tu.
Pekit Battle of the Bands beserimbai enggau Regatta Lingga ke sekali tu diatur Opis Penyerakup Menua enggau Integrasi Bansa Bagi Menua Sri Aman.
Ku iya baru, Champian pekit tu ila deka mai pulai perais mata duit RM3,000, setipikit masuk pekit enggau trofi lalu ba penuduk lumur dua enggau Ketiga sama deka mai pulai perais mata duit RM2,000 enggau RM1,000, setipikit masuk opekit enggau trofi.
Pemenang ba penuduk lumur empat nyentuk lumur lapan deka mai pulai perais mata duit RM500 enggau setipikit masuk pekit.
Hari bulan tutup masuk pekit nya ditetapka kena 7 Disember.
Tanya silik pasal pekit tau ditujuka terus ngagai Suzie ba lumur 013-4675669, Kamal ba lumur 019-9407734 enggau Samsuri ba lumur 019-4849840.