MIRI: Tuai Megai Menua (TYT) Sarawak Tun Pehin Sri Abdul Taib Mahmud enggau Toh Puan Datuk Patinggi Raghad Kurdi Taib udah ngulu Pengerami 'Jamuan Teh' beserimbai enggau pengerami ngintu Hari Keputeraan Rasmi Ke Bawah Duli Yang Maha Mulia Seri Paduka Baginda Yang Di-Pertuan Agong Ke XVI renggat negeri Sarawak ba Hotel Pullman Waterfront ditu, kemari.
Pengerami nya dipunka enggau nyadaka lagu Ibu Pertiwiku, tanda Selamat Datai denggau sembiang.
Video khas mega ditayangka ngaga lebih 500 temuai baka pengari rayat, ketuai opis, ketuai raban bansa, tuai rumah enggau temuai bukai ti dikangauka datai.
Tun Taib enggau bini iya disempulang Premier Sarawak Datuk Patinggi Tan Sri Abang Johari Tun Openg bejadi pengawa ngempat pulut kuning beserimbai enggau pengerami nya.
Temuai ke datai mega mega bisi dibai meda video lagu khas pengerami nya sereta diperindang enggau pengawa belagu atas panggau ari artis menua tu.
Sama bisi datai, Speaker Kunsil Negeri (DUN) Sarawak Tan Sri Datuk Amar Mohamad Asfia Awang Nassar, Menteri Pemansang Orang Indu, Nembiak Mit enggau Pengelantang Pendiau Komuniti Dato Sri Fatimah Abdullah, Sapit Menteri Pengerai Mensia Mayuh, Pengawa Berumah enggau Perintah Lokal Datuk Dr Penguang Manggil ngarika Menteri Pengangkut Sarawak, Datuk Sri Lee Kim Shin ke mega menteri megai tanggungpengawa ngatur pengerami nya.