Anda di sini

Budaya meresi agu di sekula siti chara nempa ulah nembiak sekula

Advertisement

Nembiak sekula patut dilatih enda ngira status ruang bilik nembiak nya lalu sekula mih endur ngepunka nya

Abdul Karim maya dirandau media pengudah YCC Ke-11 ba Kem Putra Sentosa, kemari.
Abdul Karim maya dirandau media pengudah YCC Ke-11 ba Kem Putra Sentosa, kemari.

KUCHING: Pengawa mulaika budaya meresi agu di sekula siti ari pekara ti patut dipejalaika nya laban nya siti ari chara nempa ulah sesiku nembiak sekula.

Menteri Dagang Temuai, Industri Kreatif enggau Seni Pemerindang, Dato Sri Abdul Karim Rahman Hamzah madah, pekara nya deka meri pemereti kelebih agi ngagai raban biak ambika ngasaika bakani orang ti bekereja baka nebas rumput, meresi jalai enggau ke bukai.

“Langgur penemu nuchi agu sekula) ari Menteri Besai Datuk Seri Anwar Ibrahim endang siti pekara ti chukup manah laban pengawa nya majak enda dikemeranka agi. 

“Nuchi agu sekalika di rumah tauka di sekula endang pekara ti patut dilatih ba bala anak,” ku iya lebuh bejadi Kem Komunikasi Belia (YCC) Ke-11 ba Kem Putra Sentosa, kemari.

Menteri Nembiak, Lumba enggau Main enggau Orang Dagang nya madah, sekula siti ari ari endur kena ngepunka ulah nya.  

Ku iya, nembiak sekula patut dilatih enda ngira status ruang bilik nembiak sekula nya.  

“Nya patut di kemeranka enda ngira kita orang kaya tauka enda, lalu sekula endur ti pemadu manah alai ngepunka nya.

“Ba ruang bilik ti madahka tu enda masuk akal lalu ba sapa ti madahka sekula semina alai ngulihka pemandai aja, nuchi agu mega sebagi ari pelajar,” ku iya.

Dulu ari nya, Abdul Karim bejadi YCC ti diatur Kelab Toastmaster Kuching ba Kem Putra Sentosa, kemari.

Antara aktiviti ti diatur pengelama tiga hari dua malam ti dipasuk 2,000 iku nembiak sekula sekondari ari Kuching, Kota Samarahan, Bau, Mukah, Lundu, Sematan enggau Serian iya nya bejaku ba mua mayuh, kereja beraban enggau ngemansangka pengelandik nyadi ketuai sereta mantaika bakat.

Advertisement