Anda di sini

Perintah Besai mesti terus mantu Sarawak ari sukut belanja, ku Dr Sim

Advertisement

Laban tu hak Sarawak ti nyadi sebagi ari Malaysia, taja pan bisi penambah dalam asil penatai pemisi, ku Dr Sim

Dr Sim lebuh ti bejaku ba pengerami Ngibauka Tambai SUPP beserimbai enggau Pengerami Ngintu 64 Taun parti tu, kemari.
Dr Sim lebuh ti bejaku ba pengerami Ngibauka Tambai SUPP beserimbai enggau Pengerami Ngintu 64 Taun parti tu, kemari.

 

"Nyema kita bebendar negika Sarawak, kita iya nya peranak Sarawak lalu dipilih rayat dalam ngarika nengeri ba renggat perintah besai lalu bebendar negika pemerat guna Sarawak,"

Dato Sri Dr Sim Kui Hian
Sapit Premier Sarawak

KUCHING: Perintah Besai mesti mantu ari sukut belanja nengeri taja pan Sarawak dipeda bisi penambah ba asil penatai pemisi dalam berapa taun ti udah.

Sapit Premier Sarawak Dato Sri Dr Sim Kui Hian madah, tu iya nya hak Sarawak ti sah nyadi sebagi ari Malaysia.

"Sida (raban ti bekaul) ti madahka Sarawak bulih mayuh belanja, lalu patut ngena pemisi kediri iya nya ukai peranak Sarawak lalu sida nadai negika Sarawak.

"Nyema kita bebendar negika Sarawak, kita iya nya peranak Sarawak lalu dipilih rayat dalam ngarika nengeri ba renggat perintah besai lalu bebendar negika pemerat guna Sarawak," ku iya.

Iya madah munyi tu lebuh ti bejaku ba pengerami Ngibauka Tambai SUPP beserimbai enggau Pengerami 64 Taun parti tu ba Indu Opis Parti Sa'Ati Rayat Sarawak (SUPP) ditu, kemari.

Dr SIm madah, berindik ari nya endang nyadi tanggungpengawa perintah besai dalam meri agih belanja ngagai Sarawak ungkup tuju pemansang baka ti ditukuka dalam Sempekat Malaysia 1963 (MA63).

Pia mega ku iya nambah, Sarawak udah meri sukung belanja ti besai ngagai menua nengah minyak enggau gis.

Beserimbai enggau tu, Dr Sim ti mega Presiden SUPP ngarapka perintah besai ulih malas sukung tu enggau nyukung Sarawak dalam langkar pemansang.

Bekaul enggau MA63, ku iya, tu iya nya berengkah ari aktivis MA63 Niang Zainnal Ajamain ti udah ngangkatka tikas pemereti ati bekaul enggau sempekat tu.

"Zainnal udah ngemunka bup 'The Grand Design' ba dewan tu (indu opis SUPP kena 9 Julai 2016), lalu tu ti ngujungka Niang Pehin Sri Adenan Satem berengkah bejaku bekaul MA63," ku iya.

Nitih ku iya agi, MA63 tu udah disain entara Sarawak, Sabah, Singapura enggau Persekutuan Tanah Melayu dalam taun 1963.

"Pejalai kitai deka ngulihka MA63 dalam konstitusyen berengkah ari Zainnal, lalu pengudah nya diteruska Adenan, udah nya kitai mujur bulih MA63 dalam Konstitusyen Perintah Besai kena taun 2021," ku iya meri penerang.

Berindik ari nya, Dr Sim madah diatu Sarawak ulih ngulihka hak sida nyengkaum duit enggau autonomi dalam pengerai enggau pelajar.
"Nya alai mega beguna ngagai kitai ngembuan ketuai ti betul dalam politik.

"Berindik ari tu, rayat Sarawak, kitai mesti nyaga diri kitai empu lalu kitai mesti nentuka iya nya kitai bulih (peminta Sarawak ari baruh) MA63 digaga enggau naka pengelengkas," ku iya.
 

Advertisement