Anda di sini

Sesi besekula bulan Januari berengkah taun 2026: Fadhlina

Advertisement

Opis Menteri Pelajar (KPM) mega merambu deka ngenumuka kalendar akademik sesi 2024/2025 ngagai bulan Februari 2025

Fadhlina maya sesi tanya saut ba Dewan Rakyat kemari. - Gambar Bernama

KUALA LUMPUR: Sesi besekula deka dipulaika baru ngagai bulan Januari berengkah ba taun 2026, pia ku padah Menteri Pelajar Fadhlina Sidek. 

Ku iya, Opis Menteri Pelajar (KPM) mega merambu deka ngenumuka kalendar akademik sesi 2024/2025 ngagai bulan Februari 2025.

“KPM udah beratika langgur penemu mulaika baru kalendar akademik besekul berengkah dalam bulan Januari baka ke sebedau tu...ngarapka nengah pemadah tu, aspek pekara wang enggau ekonomi ulih diperambu semua orang ke bekaul berengkah ari diatu. 

“Perambu kemisi diri sebilik, pengawa rami enggau kemisi pengajar baka ti udah dipadahka dalam 10 inisiatif beserimbai enggau pengerami ngintu Hari Pengajar, ulih dipejalaika bepelasarka kalendar akademikbesekula tu ti deka digazet,” ku iya madah maya sesi tanya saut ba Dewan Rakyat kemari. 

Iya nyaut tanya ari Aminolhuda Hasssan (PH-Sri Gading) ti deka nemu kemaya sesi akademik besekula ulih dipunka dalam bulan Januari baka ke selama tu sebedau pengelekai COVID-19.

Ngenang pekara nya silik, Fadhlina madahka sida benung beratika guna enggau penengkeman nyediaka kalendar akademik besekula kena nentuka proses ngajar enggau belajar ulih dipejalaika sechara optimum sereta teisika penyampau 190 hari besekula ti diguna dalam setaun.

“KPM mega udah ngemas baru tusun maya peresa perintah ambika setipak enggau ubah kalendar akademik besekula,” ku iya. 

Ku iya, sebarang ubah ba kalendar akademik besekula mesti  beratika faktor ekonomi menua, ampuh bah ujung taun kelimpah ari nentuka enda ngachau tusun maya beperesa perintah baka   Sijil Pelajaran Malaysia (SPM), Sijil Tinggi Persekolahan Malaysia (STPM) enggau Sijil Tinggi Agama Malaysia (STAM). 

-- BERNAMA

Advertisement