Anda di sini

SSPCA begunaka raban volunteer, sukung mensia mayuh meresika palan nya pengudah dituntung penusah ampuh bah

Advertisement
Entara rikod video ti udah diambi mensia mayuh lalu disadung ba media rama ngayanka sekeda ukui dipindahka ari palan ngintu jelu di Kota Sentosa pagi kemari, bisi mega ti agi dalam sangkar.
Entara rikod video ti udah diambi mensia mayuh lalu disadung ba media rama ngayanka sekeda ukui dipindahka ari palan ngintu jelu di Kota Sentosa pagi kemari, bisi mega ti agi dalam sangkar.

KUCHING:Beratus iku ukui udah dipansutka ari Rumah Ngintu Jelu SSPCA di Kota Sentosa kemari pengudah palan nya dituntung penusah ampuh bah berindik ari ujan ti bangat enda ngetu berengkah ari tengah malam.

Ukui tu dikemendar mindah ti diselamatka bala volunteer.

Pekara tu disahka Chairman Gerempung Nyeliah Jelu Dipenyati Sarawak (SSPCA) Datin Donna Drury Wee lebuh ti dipinta meri jaku timbal bekaul enggau rikod video ti udah dikunsi mensia mayuh ba media rama.

"Kami ngembuan urung 350 iku jelu. Nyangka setengah enda disimpan dalam sangkar.

"(Penusah ampuh bah) Sehari tu (Kemari) iya nya ti pemadu balat. Palan tu enda ditiki ai pengudah jejantas nya tembu," ku iya madah ngagai The Borneo Post bekaul enggau projek pemansang ti besemak.

Wee madah chara ti lengkas iya nya meresika palan ngintu jelu tu lalu chara mutarka timpuh pandak enggau panjai deka dikerandau begulai enggau raban ti ngembuan pengerindu enda lama agi.

"Kami begunaka mensia mayuh (tauka volunteer) dalam mantu datai lalu meresika palan ngintu jelu tu pegila (sehari tu). Sehari tu (kemari) mayuh jalai (mansang ke palana ngintu jelu) agi dituntung penusah ampuh bah," ku iya.

Sukung mensia mayuh ti siru mega diguna ngambika terus nentuka pemujur palan tu enggau aktiviti, ku Wee ti mega lengkas ngelengkaka pengerami ti bisi dilawa iya ketegal ti deka ke palan ngintu jelu lalu sama mantu raban volunteer sereta pengereja pengawa nyelamatka ukui di palan nya.

Palan ngintu jelu tu udah ditumbuhka kenyau ari taun 1980-an lalu SSPCS direjister nyadi Gerempung Ukai Dikuasa Perintah (NGO) 61 taun ti udah, ku iya nambah.

Advertisement