MIRI: Opis Kereja Raya (JKR) Sarawak deka muka jalai empat lurung ba Jalai Besai Pan Borneo dalam Seksyen Bakun, WPC 10 iya nya Batu 42 nyentuk Batu 74, ba bagi menua Bintulu enggau Miri.
Jalai nya (pengudah Simpang Labang nyentuk ke SOP Gelasah), deka dibuka Hari Lima tu, berengkah pukul 10 pagi.
Unit Jalai Besai Pan Borneo Sarawak JKR Sarawak nengah penerang media ditu kemari madah, pengawa meresa asil kereja deka dipejalaika kena 20 Mac nyentuk 31 Mac ba jalai Miri nuju ke Bintulu.
"Bala ti meresa nya deka bisi ba lurung lubah bejalaika pengawa sida.
"Nya alai, penguna jalai alun dipinta ngasika papan tanda tikas penglaju iya nya 50 kilometer sejam (km/j) enggau 30km/j ba kandang kereja nya serantau jalai ti dibuka nya.
"Penguna jalai alun dipinta bejjejimat maya deriba nengah jalai nya sekumbang timpuh jalai nya ke dibuka sereta ngasika semua atur trafik ke pengelikun enggau perati khas," ku JKR Sarawak.
Opis nya mega madah, kunteriktor deka madah nyema bisi sebarang ubah ba haribulan tauka kandang endur ke bisi kaul enggau kereja nya.
BA timpuh ke sama, penguna jalai alun dilalau merambu pejalai sida ba endur ke bekaul nya.
"Minta ampun ba semua pemar nya. Sebarang sebana tauka tanya ti bekaul engagu pejalai trafik nya, tau dikenataika ngagai Unit Lebuhraya Pan Borneo Sarawak, JKR Sarawak ba lumur 082-230 879," ku JKR Sarawak.