Pemisi VOA ukai aja ngemuntangka temuai,tang beguna amat kena Malaysia besemekih enggau menua bukai
"Inisiatif ke baka tu patut diteritka enggau nadai sebarang penanggul, laban pemisi VOA nya deka mantu ngidupka baru semua sektor dagang temuai ti balat tekeruga ketegal pandemik Covid-19 kenyau ari dua taun ke udah”
Dato Sri Tiong King Sing
Menteri Dagang Temuai Malaysia
BINTULU: Menteri Dagang Temuai Malaysia Dato Sri Tiong King Sing minta opis bekuasa nyendiaka Visa-On-Arrival (VOA) ngagai semua menua kelebih agi temuai ari China enggau India kena ngemuntangka sida tama ke menua tu.
Iya ke mega Kaban Parlimen Bintulu madah, pemisi VOA tu ukai semina ngemuntangka bala temuai aja,tang ke beguna amat kena Malaysia besemekih enggau menua bukai kena ngerichahka baru sektor dagang temuai.
"Inisiatif ke baka tu patut diteritka enggau nadai sebarang penanggul, laban pemisi VOA nya deka mantu ngidupka baru semua sektor dagang temuai ti balat tekeruga ketegal pandemik Covid-19 kenyau ari dua taun ke udah," ku iya madah nengah penerang.
Ku iya, diatu siti timpuh kritikal kena mulaika pemanah sereta ngangkatka daya besemekih dalam sektor dagang temuai.
Nya alai,iya n gansak opis bekuasa nyendiaka VOA ngagai semua menua laban menua Asian ke bukai kelebih agi Indonesia udah ngaga baka nya.
"Kena ngangkatka baru sektor dagang temuai di Malaysia, sida mesti ngemendarkan inisiatif muka baru pintu garis entara menua enggau lengkas," ku iya.
Iya pechaya opis bekuasa Malaysia ulih ngaduka penama temuai ari menua luar ti datai ke Malaysia kelebih agi ba pintu penama besai ke menua tu.
Iya mega ngansak Opis Menteri Dalam Negeri (KDN) jampat agi mansik pematut nyendiaka VOA sereta bejalaika enggau manah kena ngelancharka penama temuai ari menua luar ke menua tu ti ibuhka pekara pengelikun peranak menua tu.