Anda di sini

Enam inisiatif baru dikena ngurangka projek ti balat tejanggal

Advertisement
Abang Johari bejaku seraya bejadi Seminar Inisiatif Baru Kena Ngangkatka Industri Kunstraksyen Sarawak kemari. -Gambar Roystein Emmor
Abang Johari bejaku seraya bejadi Seminar Inisiatif Baru Kena Ngangkatka Industri Kunstraksyen Sarawak kemari. -Gambar Roystein Emmor

KUCHING: Perintah Sarawak bejalaika enam inisiatif baru dikena ngurang tauka ngapuska projek balat tejanggal.

Premier Sarawak, Datuk Patinggi Tan Sri Abang Johari Tun Openg mega madahka inisiatif baru nya mega dikearapka ulih mantu pejalai mata duit projek kunteriktor sereta kena nyapai ‘win-win situation’ ungkup semua ti ari baruh kunterik Perintah Sarawak.

Iya madahka inisiatif baru nya dikemendar setipak enggau pengawa ngempung baru enggau mayuh pekara dalam lis Ubah Rega (VOP), dikena nyaga pekara ti dikemeratka industri enggau ekonomi wilayah.

“Keterubah, bayar dulu ungkup kunterik kereja, kedua, ngemendarka nyentuk tiga kali mayar sereta enda ibuh begunaka dokumen kunterik dalam empat bulan kerubah timpuh kunterik.

“ Penyampau ti lebih baruh Ngapuska enggau Ngelala Ganti Rugi ti Nating, bayar minimum ti lebih baruh sereta chara bukai kena ngelempungka projek kelebih agi enggau tekeruga balat ketegal niki rega.

“Kelima, Ngelanjarka Timpuh (EOT) ungkup projek ti dikemansang abis nadai 60 peratus bepelasarka program kereja, enggau keenam, Mutual Termination ti nitihka kriteria ke patut,” ku iya.

Abang Johari bekunsi langgur penemu iya nyerumba bejadi Seminar Inisiatif Baru Kena Ngangkatka Industri Kunstraksyen Sarawak ke diatur Perintah Sarawak nengah Opis Kereja Raya Sarawak (JKJS) ba BCCK ditu, kemari.

Bejaku baru iya madah, perintah keran ngangkatka pengulih besemekih dalam industri kunstrasyen ti mega benung nuju ngagai pemansang strategi dikena pengemeran industri nyadi penyedia mutarka global.

“Inisiatif tu udah tu dikemeratka terus kena mantu dalam mulaika pemanah industri kunstrasyen menua tu ke alai projek diserahka ba timpuh ke udah ditetap di Sarawak.

“Kelimpah ari nya mega opis ti bekaul mega udah meresa proses enggau prosedur kena napi peminta guna makit enggau ngenukuka penyulut projek dipejalaika,” ku iya.

Nitihku iya, SFS, Opis Menteri Infrastruktur enggau Pemansang Palan Penyangkai Kapal enggau Opis Kereja Raya Sarawak (JKRS) ngelangkar inisiatif ngelui ari nya dikena nyukung enggau ngangkatka pengawa ngaduka projek enggau adminstrasyen kunterik projek.

Iya madahka sukung ari perintah engka enda chukup kena ngurangka empas enda manah pandemik, tang bantu ti diberi deka ngurangka pengelenyau bida dalam industri.

“Nya alai, aku amat ngarapka inisiatif baru tu ulih entap dikemeranka industri kunstraksyen menua tu enggau ba tikas ti lebih meruan kena betapi enggau pemar dudi hari,” ku iya.

Sama bisi ngulu pengerami bejadi seminar nya kemari, Sapit Premier Sarawak ti mega Menteri Infrastruktur enggau Pemansang Palan Penyangkai Kapal,Datuk Amar Douglas Uggah Embas, Sapit Menteri Infrastruktur enggau Pemansang Palan Penyangkai Kapal, Aidil Lariwoo enggau Dato Majang Renggi enggau pemesai ke bukai.
 

  • oleh
  • Advertisement