KUCHING: Perintah Sarawak ngungkupka belanja sepenyampau RM1.5 bilion ngagai Agensi Penyelarasan Pembangunan Greater Kuching (GKCDA).
Menteri Pelajar, Inovasyen enggau Pemansang Pengelandikke lalu nyadi Chairman GKCDA Datuk Roland Sagah madah, belanja nya endang dikena ngaga pemansangka ba lapan sitak Kunsil Negeri (DUN) Bidayuh di bagi menua Kuching enggau Serian.
Lapan sitak DUN iya nya Opar, Tasik Biru, Serembu, Mambong, Tarat, Tebedu, Bukit Semuja enggau Kedup nyengkaum siti agi sitak DUN iya nya Tanjong Datu.
“GKCDA naydi siti ari strategi Perintah Sarawak ngenyampatka pemansang negeri tu kelebih agi ba sitak dalam bagi menua Kuching enggau Serian,” ku iya.
Iya madah munyi nya lebuhka bejadi Mini Lab Tarat-Agensi Penyelarasan Pembangunan Greater Kuching di Serian, ensana.
Sama bisi datai maya nya, Residen Bagi Menua Serian Selamat Jati Yanjah, Ketuai Pemesai Eksekutif GKCDA Datu Ik Pahon Joyik enggau bala bukai.
Bejaku pasal mini lab nya, Sagah yke mega Kaban Kunsil Negeri Tarat madahh, nya kena ngumpul idea enggau buah penemu kena nen tuka pengawa nya dikereja begulai ke pemansang strategik ba sitak Tarat.
Pesereta ke enggau ku iya, opis enggau ejensi perintah besai enggau negeri di bagi menua Serian, kaban kaunsil, bala ketuai raban bansa, bala tuai rumah ba sitak Tarat enggau exco besai, Indu enggau Nembiak PBB Pampang Tarat.
Batang fokus mini lab tu endang pemansang rayat lalu pesereta diberi peluang mantaika langgur penemu bekaul enggau projek tauka program ti engkeman dipejalaika di Tarat.
Mini lab nya dipunka enggau meri penerang bekelala ngagai GKCDA ari Ketuai Pemesai Eksekutif, Ik Pahon.
Sesi randau dipunka nengah chara magi ngagai lima raban kena ngumpullanggur penemu pasal projek tauka program ti tau dipejalaika bepelasarka Pemansang Infrastruktur, Utiliti enggau Telekomunikasyen, Pemansang Betanam Betupi, Ekonomi (Ukai Betanam Betupi) enggau Sosial.