MUKAH: Kandang menua Balingian bisi pengelebih tau nyadi produk dagang temuai.
Kaban Kunsil Negeri Balingian Abdul Yakub Arbi madahka,lumba enggau main bepelasarka ai enggau alai nginti nya siti ari pematak.
"Kitai bisi pengelebih lumba enggau main sungai enggau mega siti alai nginti ti pemadu manah, nyadi ke pengelebih tu," ku iya ba Pengerami Bejadi Regata Mini Kampung Lintang, Balingian apin lama udah.
Pengerami ke baka nya ku iya, taja diatur nengah chara mit tang ulih mantaika penyelai kandang endur ngagai orang luar.
"Sambut ti manah ari peranak ke ngelingi bekaul enggau pengerami ti baka tu mega mai penguntung ngagai ekonomi menua tu.
"Kelimpah ari nya, semengat bebakih kelebih agi ba raban nembiak baka 'Balingian Brotherhood' majak rapit nengah program ti baka tu," terang iya.
Abdul Yakup meransang enggau meri sukung penuh ngagai aktiviti ke diatur nya.
Sekeda lumba enggau main ai ti dipekit maya regata mini nya, entara nya lumba ngayuh perau enggau bot laju ti dibagi ngagai mayuh kategori.