Anda di sini

Pengerami ti diintu nyadi platform dikena ngenegapka penyerakup

Advertisement

Penyerakup pupu bansa pelasar kena nempa penegap  lalu nentuka pengawa ngiring menua lanchar

FADILLAH

"Nya alai, kitai mesti nikal ngagai pun pekara iya nya beserakup. Kurangka bepolitik, kurang bejaku tang chakah agi bekereja"

Datuk Seri Fadillah Yusof 
Sapit Menteri Besai 


KUCHING: Rayat pupu bansa di menua tu patut ngena tetiap bengkah pengerami ti diintu nyadi platform dikena ngenegapka penyerakup.

Sapit Menteri Besai Datuk Seri Fadillah Yusof madah, penyerakup pupu bansa nyadi pelasar dikena nempa penegap ti mega lalu kena nentuka pengawa ngiring menua ulih dipejalaika enggau lanchar. 

Enti penyerakup dikemeranka semua serak rayat ku iya, perintah ulih meri fokus penuh ngagai perambu ngemansangka menua. 

“Perambu nya sekalika ngenegapka ekonomi tauka fokus  mantu rayat.

"Nya alai, kitai mesti nikal ngagai pun pekara iya nya beserakup. Kurangka bepolitik, kurang bejaku tang chakah agi bekereja," ku iya.

Iya bejaku munyi nya lebuh dirandau media maya ngulu pengerami Nyambut Pengabang Taun Baru China 2023 diatur Parti Rakyat Bersatu Sarawak (SUPP) ditu,kena Hari Minggu nyin tadi.  

Fadillah mega ngansak rayat ngemeranka budaya ngabang maya musim pengerami.

“Tu deka nyadi siti pengering dikena kitai negika  Sarawak tauka menua Malaysia ti kering agi jemah ila,” ku iya.

NANTA
NANTA

Berebak enggau nya, Menteri Kereja Raya Datuk Seri Alexander Nanta Linggi madah, Sarawak nyadi chunto ti pemadu manah ngagai serata menua ari segi penyerakup.

“Sarawak endang  nyadi negeri chunto ba penyerakup pupu bansa baka ke suah disebut lalu kitai ngarapka penyerakup tu ulih dipajakka.

“Ambika banding, ari baruh slogan ‘Malaysia Madani’, kitai ulih meda mayuh ke udah dijapai kelebih agi di Sarawak,” ku iya.

Advertisement