Anda di sini

MTCP deka ngatur pengerami ngintu mantar taun baru 2023

Advertisement

Nengah kerejasama MSS ti diatur kena 31 Disember 2022 di Tebing Ai Kuching

 

“Opis menteri aku nengah MSS deka ngatur pengerami nyambut countdown ba Tebing Ai Kuching kena 31 Disember 2022.

Dato Sri Abdul Karim Rahman Hamzah 
Menteri MTCP

Dikarang Rengenyan Labang 

KUCHING: Opis Menteri Dagang Temuai, Industri Kreatif enggau Seni Pemerindang (MTCP) deka ngatur pengerami ngintu mantar (countdown) nyambut taun baru 2023 ba Tebing Ai Kuching ditu.

Menteri MTCP, Dato Sri Abdul Karim Rahman Hamzah madahka pengerami nya diatur nengah Majlis Seni Sarawak (MSS).

“Opis menteri aku nengah MSS deka ngatur pengerami nyambut countdown ba Tebing Ai Kuching kena 31 Disember 2022.

“Orang mayuh dipinta sama enggau kami ngerami pengerami tu kena masuk taun baru 2023,” ku iya.
 
Abdul Karim madahka pekara nya lebu iya ti nyimpul jurai MTCP ba Aum Ketiga Penggal Keterubah aum Kunsil Negeri Sarawak Ke-19 ti diatur ba Kompleks DUN Sarawak ditu, kemari.

Dulu ari nya, iya ngenang Pelin Besai Dagang Temuai Sarawak 2021-2035 ke-3 madahka pelin tu setipak enggau Strategi Pemansang Pengudah COVID-19 2030 ungkup sektor dagang temuai nyungkak kededua enggau lengkas sereta mulaika pemanah penumbuh timpuh panjai ari empas COVID-19, kelimpah ari mai model dagang baru strategi ba kededua peminta enggau bekal dalam industri dagang temuai.

“Tuju pelan tu kena nambahka penyampau temuai ke Sarawak ari 4.6 juta temuai enggau RM11.6 bilion dalam resit dagang temuai dalam taun 2019 ngagai 12.7 juta temuai meri penguntung ngagai ekonomi sepenyampau RM50 bilion lebuh manggai taun 2035. Tu setipak enggau aspirasi PCDS 2030.

“Pelan induk tu ba timpuh ke betul kena nyukung PCDS 2030 dalam sektor dagang temuai kena meransang mulaika pemanah penumbuh (dagang temuai) enggau lengkas enggau timpuh panjai ari empas COVID-19.

“Opis menteri aku dekan nentuka polisi enggau langgur dagang temuai, seni enggau budaya dalam Pelan Induk dipejalaika ke dalam pelan tindakan ngena chara berenggat,” ku iya.
 

Advertisement