Anda di sini

Kaul rat perintah besai, nengeri Sarawak nentuka Malaysia terus meruan: Anwar

Advertisement

Kelebih agi nengah GPS, parti bukai ti ulih numbuhka Perintah Penyerakup ti betuaika Menteri Besai ti baru

 Abang Johari (dua kanan) ti disempulang (ari kanan) Khir enggau Ibrahim meri penemuai basa ngagai Anwar, seraya disempulang Saifuddin.-Gambar Facebook Anwar Ibrahim
PENEMUAI BASA: Abang Johari (dua kanan) ti disempulang (ari kanan) Khir enggau Ibrahim meri penemuai basa ngagai Anwar, seraya disempulang Saifuddin.-Gambar Facebook Anwar Ibrahim

"InshaAllah, kaul di antara perintah besai enggau Sarawak udah tentu nya lebih rat enggau ditegapka dalam perambu ngelangkar sebuah Malaysia ti lebih meruan tauka manah enggau tebilang," 

Datuk Seri Anwar Ibrahim
Menteri Besai


dikarang Rengenyan Labang 

KUCHING: Menteri Besai Datuk Seri Anwar Ibrahim nerima penemuai basa Premier Sarawak Datuk Patinggi Tan Sri Abang Johari Tun Openg di rumah iya di Kuala Lumpur, kemari.

Anwar nengah Facebook iya madah sereta ngarapka kaul ke lebih agi perintah besai enggau Sarawak nengah Gabungan Parti Sarawak (GPS) sereta parti bukai deka rat enggau tegap dikena nentuka Malaysia lebih meruan.

"Pagi tu (kemari) aku nerima penemuai basa ari Premier Sarawak Tan Sri Datuk Patinggi Abang Johari Tun Openg enggau raban iya di rumah.

"Gabungan Parti Sarawak (GPS) nyadi di antara pun kelimpah ari Barisan Nasional (BN), Warisan enggau mega GRS ti numbuhka Perintah Penyerakup ti betuaika aku.

"InshaAllah, kaul di antara perintah besai enggau Sarawak udah tentu nya lebih rat enggau ditegapka dalam perambu ngelangkar sebuah Malaysia ti lebih meruan tauka manah enggau tebilang," ku Anwar ba penerang dalam Facebook iya madahka nerima penemuai Abang Johari enggau raban iya.

Sama enggau Anwar nerima penemuai nya, bini iya, Datuk Seri Dr. Wan Azizah Wan Ismail.

Anwar ti mega Chairman Pakatan Harapan (PH) nyadi Menteri Besai Ke-10 pengudah dipesetuju Yang di-Pertuan Agong Al-Sultan Abdullah Ri'ayatuddin Al-Mustafa Billah Shah setipak enggau Perkara 40(2)(a) enggau Perkara 43(2)(a) Perlembagaan Persekutuan.

Nyempulang Abang Johari kemari, Sapit Ketuai Sekretari Besai Parti Pesaka Bumiputera Bersatu (PBB) Datuk Ibrahim Baki enggau Principal Private Secretary Opis Premier Sarawak Datuk Khir Busrah.

Sama bisi datai Sekretari Besai Parti Keadilan Rakyat (PKR), Datuk Seri Saifuddin Nasution Ismail enggau Chairman BN ti mega Presiden UMNO Datuk Seri Dr. Ahmad Zahid Hamidi.
 

Advertisement